شيء ماشفتووووه من امسيه فيصل بالبحرين!!

!! احسـ خالد ـاس !! · #1 25-01-2008, 04:21 AM

السلام عليكم ورحمة الله وبركاته

قبل ماابدأ تروووا قسم قسمات تعبت اظبط الديكور واصمم
مرتين كتبت الموضوع وبالاخر يطلع لي هالكلام!!

لقد قمت بإدراج 40 صورة في رسالتك. لا يسمح لك بإستخدام أكثر من 25 صورة لذا الرجاء عد وصحح المشكلة وبعد ذلك حاول مرة ثانية.

تتضمن الصور استخدام الابتسامات, أكواد المنتدى [img] أكواد الصور <img> في HTML. إن استخدام هذا كله في الموضوع يمكن أن يكون مسموح بة من قبل الإدارة.

ع العمووم..

صباح الليل للي عندهم الشمس مابعد غربت

ومساء الظهر للي باخر الليل

=================

مقتطفات من الامسيه:

** وصل الشاعر برفقته الشاعر يوسف العتيبي في تمام الساعه الثامنه الا ربعياعيني ع الدقه بس
عبر سياره من المراسم الملكيه البحرينيه

** بدات الامسيه الساعه ( مدري كم ) بدأها الشيخ ناصر بن حمد والقى سالفه مقناص ماهيب قصيده ع حسب قوله..

** حظر العديد من الشيوخ والسفراء في مقدمتهم الشيخ فواز ال خليفه رئيس الرياضه والشباب البحريني
 شكله متفق مع فيصل حظروا اعتزال سامي معا بعض والحين ويا بعض)<= اقول انقلع بس :*

** كما حظيت الامسيه بحظور العديد من الشعراء المتميزين..وفي مقدمتهم الشاعر الكبير المحبوب محمد ابن عويضه. والشاعر الكبير سالم ابن جخير..والشاعر مهدي ال حيدر( فالك المليون ان شاء الله )..والشاعر نواف الدبل..والشاعر ابن شويه..والشاعر محمد العتيبي.. واذا فيه احد يعذرني هع 

** قبل بدايه الامسيه واثناء ما الشيخ ناصر يرحب بالحظور اتت فتاة صغيره تطلب من الشاعر محمد ابن عويضه التوقيع لها وبعد ماوقع رجعت مره ثانيه وطلبت توقيعين اخرين..فقال لها ابن عويضه.......
وش تبون !! صدق انكم فضوليين خخخ

* بدأت الامسيه عند عريس الحفله( وبقصيده عن السعوديه والبحرين).. مالي شغل تجيكم القصائد بعدين..

* الامسيه كانت للشعراء... ( السعوديه)..محمد الجلواح(البحرين)..محمد جار الله السهلي(الكويت).. محمد العرجاني( الكويت)..يوسف العتيبي(!! ترو ماقالو شي بس اقول العراق والسعوديه)..

* عندما جاء دور الشاعر السهلي.. رحب بالشعراء الحاظرين وماذكر الشاعر محمد بن عويضه.. عاد انبح صوتي وانا اصيح ابن عوووووووويضه بس ماحد سمعني<=- اللي جنبي يقول تراك ازعجتنا يبو الشباب 
بقولكم وش صار بعدين..!

* تفاعل الجمهور بشكل كبير عندما ذكر ابو نوف في احدى ابيات قصيدته الشطر الي يقول..كنك هدف من راس ماجد في الكويت..واعادها وذكر كنك هدف من راس ياسر في الكويت.. وشفت نظرته للسهلي الكويتي <= يبي يفتن بينهم خخخ

** عندما جا الدور للسهلي..قال هدف ياسر صحيح بس هدف ماجد طلع تسلل هههه

** ذكر ابو نوف انه جاء من الرياض للبحرين مع يوسف العتيبي واتفقوا انهم مايقولون قصائد غزل بس قال انا بخلف الاتفاق  والقادسيه وينهم ههه<= ياشين ذباتي خخ:

*كان فيصل محتار وش يختار<= اصلح اقدم اعلان خخ
وكان كل مايفكر يقول قصيده يصيح واحد من الجمهور يقول القصيده الفلانيه<= عاد افهموها والا بكيفكم

* طلب ابو نوف من الشاعر ابن جار الله السهلي انه يقول قصيدته في ( الهلال) واعتذر السهلي انه ماهو بحافظها..لبى قلبك يافيصل ولبى قلب الهلااااال

* ايضا كان هناك تفاعل مع قصيده ل العرجاني ذكر فيها افعال قبيله يام عبر التاريخ ولقي ترحيب كبير من الجمهور اللي حظر..

** بعد نهاية الامسيه طلب الشيخ ناصر بن حمد من الشاعر سالم ابن جخير ان يلقي قصيده..
فالقى قصيدتين نالت استحسان الجمهور وتفاعلو معها كثيراا..
بكل صراحه ابن جخير علامه بارزه في الامسيات..

** بعد مااانتهت الامسيه.. قابلت الشاعر طيب القلب واالانسان المتواضع محمد بن عويضه..والتقطت معاه صورة..قلت له: ليه ماخليتني اوقع معك في اوتجراف البنت الي جاتك..<= صدق ماانعطى وجه هه

قلت له يبو عويضه ترى الصورة بتكون حصريه على منتديات فيصل قال وبنخلي الي يشوفها بفلوس 

* بعدها التقيت باابو نوف وانتظرت حوالي ساعتين<= ياكبرها عند ربي ههه
كان يصور مع المعجبين والمعجبات..
بدون تفاهم مسكت يده وقلت لخويي الجنط صورة عالطاير عاد والله ماعندنا كاميرا كلها من كاميرا جوالي الي علق عليها ابو ريوف بعدين..

** اثناء ماخويي يصورنا قال لي ابو نوف تراك طالع طويل شف لك حل..
قلت له احسن خل العالم يشوفون انك قصير خخ قال اقول انزل والا بمشي خخخ<= يازين الملح والبهارات..

**قلت ل فيصل..ابو نوف ترى مانسيت وعدك لي في فندق راديسون ساس في مصر..عاد ناظر فيني
وقال هاه وشو رديسون ساس بمصر اصلا مافيه..عاد انا اختشيت ع وجهي وقلت له يبو لاتدف قصدي
رمسيس هيلتون جلس يضحك قال ايه بالصيفيه قلت عليك نوووور ولا يهون المنتشري خخ<= اقلب وجهك بس:
قلت له تذكر قبل حفله رابح ب 3 ايام قال ايه
وذكرته بالوعد الي وعدني فيه..!! تبطوون عظم ماقلت لكم وشووو

* قلت له فيصل ليه ماقلت قصيدتك الي في اعتزال سامي
قال ماكنت محظر لها 

* عاد سويت فيها اني حاتم الطائي والهلال خخ قلت يبو نوف عشاك الليله عندي قل تم
قل اقلب وجهك ماني بفاضي مسافر الامارات مستضيفيني في برنامج يوم الجمعه على قناة دبي
والله قال لي اسم البرنامج بس نسيته قلت له اييه اليوووله ع قولتهم قال ايه بس انقلع فكني منك<= يبي يخرب السمعه هههه

* بعدها التقيت بالشاعر الكبير ابن جخير وقلت له وش شاعر البحرين يبوو (لانه ذكر في احد ابياته وانا شاعر البحرين)..ضحك الا ان بانت ضروسه <=ياعيني ع التوصيف..
قال هذا اللقب من ملك البحرين وانا اعتز به ووووو
قال: انا شاعر الخليج كلهم ولافيه فرق بينهم.. قلت اشووووى <= اخس يالقووووي..
وسالته قلت له وراك مختفي عن الساحه ونادر مانشوفك في الاعلام  قال والله انا ماادور لها
واعترف اني مقصر في هالشي ولكن يكفيني حب الجمهور لي وين مارحت ويكفيني حبك لي<= هذي مو من عندي خخخ

* بعدها ونا ابطلع قابلت الشاعر نواف الدبل..جيت ابصور معه واعطيت جوالي لصاحبي الا يقول متاكد ان هالجوال فيه كاميرا<= عاد طاح فيسي ع الارض والحمد لله قمت وشلته قبل يجي احد يدوسه خخخ
وقال شكلك شغال في المباحث اموووووت واعرف وش اللي عرفه

*ابو ريوف قممه في الاخلاق والادب والظرافه..ونا اصور معه يقول تهقى الصورة بتطلع كامله ترى وزني لحاله يبي له كاميرتين خخخخ لبى قلبك يابو ريوف..

* مشيت الا والله وارجع لابو ريوف قلت له..ابو ريوف عندي سؤال اذا تسمح قال امر..قلت مايامر عليك عدو
بس ليش ماشاركت في شاعر المليون..شكلك وهقت اخوياك فيصل وابن عويضه وسحبت عليهم..

جلس يضحك ثم قام يضحك <= راسب في التعبير خخ قال والله كنت مسافر في امريكا
عاد حجرت له<= وش عنده المحقق خخ قلت له وشاعر المليون الثاني قال ضروف
قلت رووح ياشيخ والله يوفقك ومافيك حيله<= ابد مو متأثر

* قلت يابو ريوف..ترى الصورة ماني بمنزلها في منتديات فيصل ههه ضحك وقال لي احتفظ فيها اجل الين افتتح موقعي تراني انتظرك يبو ريوف

**المهم ان الجوع كافر..قلت لخويي ياولد مشينا نتعشى بموت من الجوع لافطور ولاغداء..
ونا طالع برى الا واشوف فيصل مره ثانيه قلت له ابو نوف ترى الصورة الاولى احترقت مدري وين الخلل
ضحك وقال تعال انت وخشتك.. صورت معه مره ثانيه بس قسم قسمات اني اصور ونا ميت ضحك على شي مااااااا

* ونا اسولف مع فيصل قلت له ترى كنت بالمنتدى منذو مبطي من اول ماتاسس بس غبت فتره ونسيت النك نيم حقي..والايميل انسرق ترى مالي شغل ترجعون لي مشاركاتي ضحك وقال اذا شاركت مره ثانيه يصير خير

* افتر ذاك<= يعني بعد ذلك لغير الناطقين بالاوردو خخخخ..قابلت الشاعر محمد جار الله
وقلت له نبي نصور مع اطلق واوسم شاعر ضحك الا ان بانت نواذجه<= ايه هيك التعبير خخ
لانه ذكر في احدى قصايده مقطع لايك ذاك<= امووت بالعنقليزي اناا
عاد وهو يصور جاو بنات يصورون معه قلت له محمد ترى عادي اذا تبي اصور معك خخخ
وووقلت له والله.. محمد ليه ماذكرت الشاعر محمد ابن عويضه يومك ترحب بالشعراء
قال والله اني ماانتبهت له ومحمد شاعر كبير واخ وصديق عزيز علي

** بعدها جا دكتور في السفاره الكويتيه يقردن محمد السهلي يبيه يحظر في احتفال الكويت بالعيد الوطني
بعد فتره وتبادلو ارقام الهواتف تحت مرأ عيني<= وين الهيئه بس خخخ

]بعدها قابلت الشاعر مهدي ال حيدر..سلمت عليه وقلت فالك البيرق ان شاء الله انك شاعر المليون
• ونبي نصورمعك قبل لاتتغلى علينا تصير الصورة بفلوس جلس يضحك
• وقال الله يسمع منك اما التغلي فحاشا وكلاحسب تعبيري

**ونشب خويي بحلقي الا بصورة مع يوسف العتيبي قلنا تم وصورنا معه

** عاد بعدها جات قناة الواحه وقناة شاعر المليون وقناة البوادي..وقناة المختلف..وقناة فواصل..وقناة السودان
قالو يابو شرايك تعطينا هالملخص ونوظفك عندنا
قلت يجيب الله مطر..<= المخرج عاوز كدهـ..

** ترى عادي اللي قرا الموضوع ولااعجبه.. حتى انا مااعجبني بس وش اسوي
الله يصبر نفسي علي..

كان معكم مراسلكم من موزمبيق المحتله لقناة اشلخ وانت ماشي طش ام طش باريس< عاد رقعوها 

** قسم قسمات اني تعبت وانا اكتب لا وكتبتها اول مرة وظبطت الوضع وشوي الا ويعلق الجهاز
** ترى قسم قسمات مانسيت وعدك

** كان ودي انزل صور كتيره بس لستوو مصرحن بذلك وبعدين الله يخلي كاميره الجوال اللي من العصر الحجري خخخ

اول مرة تشوفون اثنين يضحكون لااحد يعلق خخخ